بيني وبين نفسي

قعدت بيني وبين نفسي

وقلت لازم أتغير وأغير

المشكله كل ماجي أتغير

ألاقي الاحوال للاوحش تتغير

وقعدت تاني متحير

وقلت صح لازم أغير من نفسي

وبعدين ابقي غيري أغير

جيت اتكلم في السياسة

كان هيقطعولي لساني

قلت لالا ياعم وانا ماالي

سبت السياسه

وجيت اقلل من الحرام

لقيته كبر وبقي برج عاالي

الناس بتحتمي فيه ولقيت معاهم خلاني

اتفرجت من بعيد وقولت ياعم

خليني احسن في حاالي

زهقت تعبت وعرفت ان كل ده احلام وامااني

كان نفسي اتغير بس الظروف خلتني اعااني

صح اكتب شعر اعبر عن احوالي

وكفايه بقي كلام افلام واغاني

لاقتني بقول:

الحلزونه والحلزون

اتقابلوا في خورم الاوزون

الحلزونه كانت في متاهه

والحلزون لما استناها

هربت وقعت جوه البير

السما بتمطر مسامير

علي ارض ميدان التحرير

الحلزون مكبوت واسير

الحلزونه انتحرت فجأه

والحلزون ضربته عربيه

عدت في ميدان التحرير

طب اعمل ايه؟؟؟ حتي اللي كتبتوا طلع كلام افلام واغاني!!!!!!!!

وده كان بالورقه والقلم

ايوه بغير لهشام الجخ

لا انا نقصان ولا ضعفان

ولا مسطول ولا سكران

ولا زايغ من عيني الضيّ

ولا حد احسن مني في شيّ

بس بغير

واللي قالولك غيرة الراجل قِلّة ثقة او قلة فَهم

خَلْق حمير

غيرة الراجل نار في مَرَاجِل

نار بتنوّر مابتحرقش

واحنا صعايدة بنستحملش

شمسنا حامية وعِرْقنا حامي وطبعنا حامي

واللي تخلّي صعيدي يحبها

يبقى يا غُلْبها

اصلنا ناس على قد الطيبة

كلنا هيبة

والنسوان في بلادنا جواهر

طب لو عندك حتة ماس

حتخلّيها مداس للناس؟؟

ولا حتقفلي اوضة عليها بميت ترباس

يمكن حتى تأجري ليها جوزين حراس

يبقى انا لا انا جاهل ولا غافل

كل الفرق ما بيني وبينك اني صعيدي

ينعل ابو ده اليوم الاكحل

اللي لا ليه اخر ولا اول

اللي طلعت لقيتني صعيدي

لو كان بايدي

كنت اعملك هندي بريش

واقلب شعري كنيش كرابيش

والبس لك سلسلة متدلدلة خرزة وقلب

بس ازاي البس لك سلسلة ؟؟ هو انا كلب ؟؟

ثم العبرة ماهيش في اللبس

اصل المشكلة عندك .. عندك ..

قلت حاسيبها وبكرة تحس

بعده تحس

بعده تحس

ده انا لو جبس كنت زعقت

ماشي صداقة وماشي زمالة

بس ماجَتْش على الرجالة

ماهي نسوان الدنيا كتير

وانا ما بقولش تخاصمي الناس

ولا تِتْحِجبي عن الرجالة

ولا تعتكفي وتسكني دير

بس يا ريت حبة تقدير

اني بحبك

واني بريدك

واني زرعت حياتي في ايدك

واني غزلت بنات الدنيا عقود على جيدك

واني تعبت من التفكير

واني بغير

مش فاهم حاجه

مش عارف ليه قررت اعمل مدونه !!!!

مش فاهم !!!!! طب لازم يعني؟ وكمان ف ايام الامتحانات!!!

مش فاهم حاجه!!!!عملتها يمكن عشان اصحابي.!!! اصحابي مين ده الكليه كلها

عمله مدونات

اشمعني يعني انا؟؟هي جات عليا يعني......

بس بأمانه بقي اتخنقت وقولت لازم اطلع بقي مواهبي ههههههههه

لقيتها فرصه حلوه عشان افضفض باللي حسه وكفايه بقي كلام اغاني وافلام

بس مش فاهم طب بقالي 21 سنه عايش وخلاص مش عارف افضفض الا في

المدونه!!

طب وقبل كده لما كنت بحب افضفض واحكي عن حاجه مفرحاني او مضيقاني

كنت بفضفض ازاي!!!!

مش فاهم حاجه خالص بس اللي فاهمه اكيد اي انسان هو الوحيد اللي بيحس بنفسه

مش فاهم ممكن الواحد فعلا يكون مليان الام ووجع ولو قال لحد يقوله ياعم منتا حلو

اهو انت هتمثل!!مش فاهم

مش فاهم دي ميزه ولا عيب ان الواحد يكون بير عميق مليان بالاسرار ومحدش

بيحاول ينزل ويشوف ايه اللي في البير ويرد ويقول ياعم انا مالي!!!! وللاسف الحد ده اقرب حد ليك ...

مش فاهم ليه بجد لما نقول لحد "بحبك"صاحب اوحبيب مش بيحس بخطوره الكلمه ويرد ويقولك وانا كمان

وتاني يوم تلاقيه هو اكتر حد يسببلك الم وحزن...

مش فاهم حاجه خالص!!!

زمن عجيب والله يخلي العنتيل يشيب

بس الحاجه الوحيده اللي فاهمها هي:

بقالي اربع سنين في الكليه

بس مش فاهم ليه بعد الاربع سنين ديا حاسس اني لسا جديد عليها !!!!!!!!!!!

مش فاهم ليه كتير من اصحابي بيفكروا علي انها مرحله تعليميه وهتعدي وخلاص

وينسوا العشره والاكل والشرب واللعب والمشاريع والضحك وينسوا انهم دخلوا بيتي

ودخلت بيوتهم

ويفكروا في مرحله جديده الجيش الشغل طب واصحاب الكليه؟؟؟؟ دول ياعم اصحاب

الدراسه وهي خلصنا منها

مش فاهم ممكن تكون دي سنه الحياه!!!!!! معتقدش

ومش فاهم هو الحب بقي في الزمن ده ذنب وحرام!!!

واوعي حد يفهمني صح!!!قصدي ليه منحبش بعض ونخاف علي بعض (حب في

نطاق الشريعه الاسلاميه)

مش فاهم ليه ناس كتيره بتكتفي يكون ليها صديق او اتنين رايحين جايين مع بعض

وبقيت الناس اهو سد خانه!!!!! طب لو حصل اي ظرف لقدر الله والاتنين دول

بعدوا عنك؟؟

اه ممكن اشوف انهم هما الاتنين دول بس اللي ارتحتلهم ماشي بس لازم تصاحب

وتتصاحب وتحب وتتحب

علي العموم هو ده اللي خلاني اعمل المدونه عشان اقول اللي حسه وكفايه بقي

أشعار واغاني وكلام أفلام وقصص خياليه ونعيش فيها ونصدق ان احنا عايشين

علي المريخ وبنركب صواريخ ولقينا كنز والراجل مات وصحي تاني....كفايه وخلينا

نعيش الواقع بحلوه ومره من حقنا نحلم بس في حدود المعقول واللي ممكن

يتحقق....