ياجدعان مينفعش اللي بيحصل ده والله حرااام فيه كورسات كده ضاعت
ولو سكتنا علي النظام ده كورسات تانيه هضيع برضو
احنا لازم نتكلم كلنا ونعترض
اللي يقولي كبر يانجم كلها شهور ونتخرج هتجيبلنا وجع الدماغ ليه
والتاني يقولي يااسطي الدكتور ده محبوب ولو اتكلمنا مش هنلاقي حد يتكلم معانا
ياعم والله محبوب وانا بموووت فيه بس شخصيته المحبوبه حاجه ومصلحتنا حاجه تانيه المهم نستفيد وناخد الكورس والماده العلميه صح
اللي يقولي يامعلم كبر وعيش تاكل قراقيش
ياجدعان لازم والله نتكلم
اللي يقولي انت جاي تتكلم قبل ماتتخرج بشهرين نفض
حرااااااام نسكت علي الاقل عشان الناس اللي جايه بعدينا ميعانوش من نفس المشكله
وممكن اللي جاي ده يكون اخويا او اخوك صاحبي او صاحبك
شايف اننا نغير الحاجات السلبيه لايجابيه ده اكبر ثواب ومصلحه وهديه للدفع اللي جايه
حرااااااام يضيع منهم الكورسات اللي ضاعت مننا
ولا ايه؟؟؟؟؟؟؟؟؟؟
علي فكره انا مش بتكلم عشان انطردت النهارده من المحاضره
انطردنا عشان قولنا رأينا اوك عادي بس قولنا
والله مضحكت في المحاضره بس هي بقي من غير حاجه كده كده كنت مااااشي
ولولقيت حد يتكلم معايا ع الكورسات اللي موجوده كـأسم بس في الجدول
وفي الحقيقه دي مش كورسات دي حصص احتياطي
هتكلم وهكون اول واحد
انا عارف ان الناس هتنفض وتقرا من هنا وتطلع من هنا
بس اللي بقدر عليه اهو بعمله
هناك 4 تعليقات:
السلام عليكم
اهااا ياجماعه اتكلموا مينفعش كدااا
اوعى حد يوافق ع اللى بيحصل دا
وبعدين صلحولنا الدنيا كدا قبل ماتمشوا عشان تسعين ف الميه هدخل اى اس بأذن الله
انا بقااا بردوه اتكلمت مع دكتور معين بس الحمد لله معمليش حاجه لانى بدأت الحوار " شعللته يعنى " واصحابى كملوا ههههههههههه ربنا يستر ومش اشيل الماده
انا جايه بهدى النفوس مش أكتر
سلاااام
وعليكم السلام ورحمه الله وبركاته:
والله يابشمهندسه
احنا قسم
استغفر الله العظيم
مفيش اتنين بيتفقوا ع رأي واحد
انا مش موافق بس 90%الباقي موافق
نفسنا نصلح
وقسم اي اس هينور بوجودك يابشمهندسه
احسن حاجه انك تشوف الغلط ومتسكوتش عليه
وسيب النتائج ع الله
واكيد ربنا هينصرنا
تهدي النفوس اه صح
انا عارف بقي الدكتور ده وهقولو
ولا حضرتك تتنازلي علي التعويض المادي"الباكو"ها
فكري!!!!
سلام
كلامك حلو يا عندليب بس المشكله مش في الكلام الي انت قؤلته بس المشكله ان اصلا في مواد ملهاش لازمه انها تدرس في الكليه ولو اتكلمت هيتقال دي لايحه ومينفعش يتغير فيها لاجل غير مسمي منعرفش لحد امتي والمشكله التانيه الي بتخلي المواد تضيع هيقؤلك ان مفيش استاف وعدد الدكاتره قليل قؤلنا حل فانت من الاخر مش هتوصل لحل معاهم عاوز تحل يبقي هات انت حل لكن متنتظر من الاداره انها تجبلك حل ولو انت عندك حل انا معاك فيه لاني متفق معاك في كل الي انت قؤلته
والله الموفق
وحفظ الله مصر
هههههههههههههه
غير معرف
خيرالله هههههههه
ربنا يخليك ياصحبي
عندك حق اللايحه دي اللي جابتنا ورا
بس كان نفسي النهارده كلنا نطلع ومنحضرش كلنا ونعمل اعتصام بقي ووجبات كنتاكي لكل معتصم
هههههههههه
مفيش استاف خالص فعلا ولا عمال وحياتك
دي كافتيريا ليالي ليها حس عن الكليه
ههههههههههههههههه
انت خير الله ولا حسني؟؟؟
حفظنا الله جمعيا
نورت ياماي توينز
سلام
إرسال تعليق