ليه الايام دي معظم الناس بقي فيهم طبع غريب
كل واحد بيحب يجرح ومينجرحش؟
يخون وميتخنش؟
يتسلي ببنات الناس واخته
عيب ازاي؟ اوعي اشوفك بتكلمي حد ؟
يجيب في سيره الناس بالشر ليل ونهار ويموت لو سمع حد بيقول عليه كلمه غلط؟
بيحب الناس تسأل عليه وهو اصلا مش بيسأل علي حد
بيحب يهين كرامه الناس ويكره حد يهين كرامته
بيعشق ان الناس تكون مهتميه بيه وهو عادي مش فارقه معاه فادي من شادي
يحب يلعب بمشاعر الناس ولو حد فكر يلعب بمشاعره يضايق
يحب الناس تديلوا كل حاجه وهو ماعمره عطي للناس حاجه
بجد كفاااااااااااااااااااااايه بقي حراااام؟؟
ولا ايه ؟؟طب ليه؟؟؟
نفسي الاقي اجابه هتجنن وحد يقنعني ليه بقينا كده؟؟
ليه؟؟
هناك تعليقان (2):
السلام عليكم
اولا:التوبيك بيدل على حاله نفسيه الى حد ما مش متظبطه بس على فكره بقا انا كنت هنزل حاجه شبه كدا وحضرتك سبقتنى
يبقى لازم يكون فى تعويض مااادى ههههههههههههههههه
ثانيا: بقينا كدا عشان حجات كتير بعضنا غفل عنها زى بعدنا عن ربنا سبحانه وتعالى فى تقصير مناا كتير ف الموضوع دا لما الواحد بيكون قريب من ربنا بيفكر مره واتنين عشان يمشى على الايه" اتأمرون الناس بالبر وتنسون انفكسم "
وبقينا كدا كمان عشان بنميل للانانيه فى بعض الاشياء وطالما ملنا ليها مره بيبقى حب النفس اقوى من اى حاجه بعديها
ناس كتير بقت كدا عشان شايفه نفسها الكل ف الكل زى اللى مبيعترفش بغلطه
بقينا كدا عشان بنحب كلمه انااا
بقينا كدا عشان بنقارن نفسنا بغيرنا فى الحجات اللى متشرفش يعنى مش بهدف منافسه شريفه
الاجابات كتييييييييير اووى بجد
بس لو فكرنا وفضلنا نسأل نفسنا ليه
هنلاقى حياتنا كلها عباره عن علامات استفهام ونتهوه ف الدنيا دى وهنفكر ف مستقبلنا بقلق وهننسى الحاضر وساعتها لا هنعيش الحاضر ولا المستقبل
يالهووووى دا كلو تعليق اسفه جدااا بس الموضوع خلانى اتكلم
نيس توبيك " وحضرتك متنساش التعوووووووووويض مش هتنازل "
سلااام
وعليكم السلام ورحمه الله وبركاته
هههههههههههههه
اولا:والله!!! تعويض مااادي!!!
لا هقفل المدونه احسن واوفر ههههههه
اوكي ابو اسلام بتاع الفول موجود
كام سندوتش؟؟
ثالثا:عندك حق الانفتاح العولمه النت والتكنولوجيا والحياه رتمها بقي سريع جدا خلت الناس مش بتبقي عارفه هي اكلت ايه النهارده !!وصلوا ولا لا
فعلا يابشمهندسه بجد بحب الايه دي اوي
شوفي بقي حضرتك فيه حاجه غلط
والله والله كنت هسمي العنوان"الانانيه"
وانتي سبقتيني كده خالصين
بتلكك ههههههههه
تمام ياريت كله يعرف انه مفيش حد فينا ملاك ومحدش معصوم من الغلط
والله كلام حضرتك جميل مقدرش اقول حاجه عنه
من رأي
كلامك ده ينفع موضوع والله
وانا ان شاء الله اول واحد هعمل كومنت عشان انا مغلول جدا
ولا يالهوي ولا حاجه
بجد شكرا عشان حضرتك اتكلمتي بصراحه
وشكرا تاني وتالت
انا مش عارف اقرأ الكلام اللي في السطر اللي قبل الاخير
كلام مش واضح خالص
معرفتش اقرا الا كلمه
"نيس توبيك" واللي بعده هيروغليفي صح؟؟
ههههههههه
سلام
إرسال تعليق